ՀՀ փաստաբանների պալատում այսօր՝ հոկտեմբերի 30-ին, հյուրընկալվել են Անանիա Շիրակացի վարժարանի ավարտական դասարանների աշակերտները, ովքեր շրջայց են կատարել Հանրային պաշտպանի գրասենյակում, ՀՀ Փաստաբանական դպրոցում և ՀՀ փաստաբանների պալատում:

Պալատի աշխատակազմի ղեկավար Մանե Կարապետյանը ներկայացրել է Հանրային պաշտպանի աշխատանքի էությունը, ցույց է տվել այն պայմանները, որտեղ ուսումնառություն են ստանում ապագա փաստաբանները և ներկայացրել Փաստաբանական դպրոց ընդունվելու ու ավարտելու կարգը և պայմանները:

Իրավունքի նկատմամբ հետաքրքրություն ցուցաբերող աշակերտներին ընդունել է նաև ՀՀ փաստաբանների պալատի նախագահ Արա Զոհրաբյանը:

Աշակերտները հետաքրքրվել են թե՞ որն է այն մոտիվացիոն, որով իրավաբանը կարող է դառնալ փաստաբան: Անանիա Շիրակացի վարժարանի աշակերտներին պարզաբանվել է այն մարդկային և մասնագիտական որակները, որ պետք է ունենա իրավաբանը, երբ ընտրում է փաստաբան դառնալու պատասխանատու ճանապարհը:

Աշակերտների խոսքով, նրանցից մի քանիսը նպատակադրվել են դառնալ փաստաբան: